O BNG de Vigo alerta do risco de que ‘O Feito a Man’ non se celebre polo “boicot” do Concello

O Bloque Nacionalista Galego de Vigo alerta do risco de que a tradicional feira ‘O Feito a Man’ non se celebre este ano polo “boicot” do Concello. A fronte nacionalista vén de esixir explicacións polos “obstáculos deliberados” do Goberno municipal para facilitar unha localización idónea para a 38º edición deste evento organizado pola Asociación Galega de Artesáns e Artesás, após o mal resultado do ano anterior no mercado de Nadal da Alameda.

“Facémolo despois de termos constancia de maneira directa dos atrancos inxustificábeis que o goberno de Abel Caballero está a poñerlle á organización da feira”, advertiu o concelleiro e candidato do BNG á alcaldía de Vigo, Xabier P. Igrexas, que lamentou que, tras varias reunións, as diferentes propostas realizadas ao Concello para realizala nunha ubicación axeitada foran vetadas malia o descontento polo “moi mal resultado” do ano pasado, cando se viron forzados a se instalar nas inmediacións do mercado de nadal da Alameda, o chamado Cíes Market. "Os atrancos inxustificábeis do goberno de Abel Caballero poden facer que esta feira referente da artesanía non se celebre por primeira vez desde 1986, coa excepción de 2020 por mor da pandemia", explica Xabier P. Igrexas.

Másnoticias

Un juzgado condena en Vigo al SEPE a indemnizar con 5.000 euros a una mujer

04/06/2026

El chiringuito de Vigo "con la mejor puesta del sol del mundo" desvela sus nuevos conciertos

04/06/2026

Nese sentido, o edil nacionalista interpelou este mércores ao Goberno municipal na Comisión Informativa de Comercio para que aclare os motivos para dificultar a realización do tradicional ‘Feito a Man’. “O BNG alertamos do risco real de que unha feira decana en Vigo, que se celebra desde o ano 1986 e que se configurou xa como unha referencia do nadal da cidade, non se vaia celebrar este ano”.