O BNG logra declarar Vigo como cidade contraria do maltrato animal coa abstención de PSOE e PP
O Bloque Nacionalista Galego vén de lograr o apoio do Pleno municipal para declarar a Vigo como cidade contraria de todas as formas de maltrato animal e avanzar en políticas en favor do benestar animal. A moción formulada pola fronte nacionalista con 14 medidas para situar á cidade como referente nesta materia resultou aprobada co voto favorábel da Marea e malia a abstención dos grupos municipais do PSOE e do PP.
O concelleiro e candidato do BNG de Vigo, Xabier P. Igrexas, celebrou esta aprobación que dá resposta “á crecente sensibilidade ambiental e da conciencia ecolóxica entre a veciñanza de Vigo, que demanda medidas para avanzar no recoñecemento dos dereitos dos animais”. Por este motivo, defendeu como necesarias estas propostas para colocar a Vigo na “vangarda” do benestar animal e como unha das cidades máis avanzadas no Estado.
O candidato nacionalista asegurou que “Vigo ten dado pasos significativos pero insuficientes nesta materia”, como foi a decisión municipal de prohibir no ano 2013 a realización de circos e eventos con animais en cautividade. Por ese motivo, o Bloque aposta por destinar máis medios e recursos e actualizar o marco normativo do Concello nas súas propostas.
Entre as 14 medidas, o BNG conseguiu declarar Vigo “cidade contraria de todas as formas de maltrato animal, incluídas as touradas como expresión de tortura”. Nesa liña, as nacionalistas chamaron a elaborar unha nova Ordenanza Municipal de Protección e Benestar animal que conte coa participación de colectivos e entidades animalistas e de defensa ambiental. A respecto destas organizacións, animaron ademais a poñer en marcha convenios de colaboración estábeis co Concello que conten con axudas municipais.
O concelleiro do Bloque reclamou poñer fin ao “modelo exhibicionista” de Vigo Zoo, apostando pola implementación da estratexia Zoo XXI que permita reconvertelo de maneira efectiva nun centro de recuperación e estudo da fauna e como un espazo para a sensibilización social sobre a protección e o benestar animal. Demandou tamén actuar sobre o Centro Municipal de Recollida de Animais Abandonados da Madroa, ampliando e reorganizando as instalacións e avanzando cara o obxectivo de sacrificio cero.
Puntos da moción:
- Declarar Vigo cidade contraria de todas as formas de maltrato animal, incluídas as touradas como expresión de tortura.
- Instar ao Goberno municipal a:
2.1.Elaboración, a través dun proceso participativo cos colectivos animalistas e de defensa ambiental, dunha nova Ordenanza Municipal de Protección e Benestar animal, que substitúa a actual de protección e tenencia.
2.2. Poñer fin ao modelo exhibicionista de Vigo Zoo, implementando a estratexia Zoo XXI e reconfigurándoo de maneira efectiva como un centro de recuperación e estudo da fauna e como un espazo para a sensibilización social sobre a protección e benestar animal.
2.3.Ampliación e reorganización do Centro Municipal de Recollida de Animais Abandonados da Madroa, adoptando as medidas precisas para atinxir o obxectivo de sacrificio cero.
2.4.Posta en marcha de convenios de colaboración estábeis, con axudas municipais, con entidades non lucrativas de protección animal.
2.5.Garantir a aplicación do método CES (Captura, Esterilización e Solta) para controlar o número de gatos na rúa. Así como o establecemento dun protocolo para censar as colonias existentes e procurar para a súa xestión a colaboración de asociacións protectoras radicadas no municipio, dotándoas dos medios necesarios e procedendo a sinalizar as zonas de colonias para evitar atropelos.
2.6.Posta en marcha de medidas preventivas e disuasorias para a fauna silvestre, así como a implementación de pasos seguros que eviten a sinistralidade vial.
2.7.Promover as medidas necesarias que permitan o acceso de animais domésticos ao servizo de autobús urbano, o albergue municipal e outras instalacións públicas.
2.8.Avanzar na eliminación das restricións para o acceso de animais ao espazo público na cidade, a principiar pola revogación do acordo municipal que limita só ás praias da Foz esquerda e a Calzoa como areais autorizados para cans.
2.9.Renovación dos parques caninos da praza García Picher e da Ponte Nova e creación de novos espazos urbanos para o esparcemento canino.
2.10. Despregar un programa municipal de esterilización de animais domésticos, que inclúa a prestación gratuíta para persoas de baixos recursos.
2.11. Realizar un maior esforzo na promoción da adopción de animais fronte ao modelo mercantilista.
2.12. Estudar a posta en marcha dun servizo veterinario municipal, con tarifas reducidas e servizos gratuítos para persoas sen fogar e de baixos recursos.
2.13. Pular pola limitación estrita da práctica da caza en todo o termo municipal, cara a súa desaparición.
Agenda
Volver al Mes actual
Más noticias
Piden máxima colaboración para localizar a un hombre desaparecido en Pontevedra
Buscan a un vecino de la provincia de Pontevedra que ha desaparecido. Piden máxima difusión para encontrarlo cuanto antes, no dudes en compartir
El PP presenta en los concellos de Galicia una moción contra "la corrupción en el entorno de Sánchez"
El PP de Galicia se moviliza para presionar al PSOE por los audios conocidos recientemente. Presentarán una moción en los concellos y diputaciones
Galicia busca crear refugios climáticos en las 'ciudades grises' y Ourense será la primera
Las ciudades grises y sin zonas verdes de Galicia tendrán que adaptarse al cambio climático. La Xunta busca crear refugios climáticos y empieza por Ourense
Cangas celebra su transformación urbana con la inauguración de una nueva humanización
Así ha sido la transformación urbana de Cangas, inaugurada este sábado. "Un espacio humanizado, moderno, bonito y seguro", señalan desde la Diputación de Pontevedra
O equipo internacional liderado desde a UVigo que estuda o impacto do cambio climático na atmosfera
Conta con financiamento do International Space Science Institute - O físico Juan Antonio Añel é o seu responsable
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal