Xabier Igrexas: “Caballero quere disputarlle ao Dinoseto o lugar de mascota da cidade”

O BNG criticou con dureza que na campaña publicitaria coa que o Concello de Vigo vai promocionar o turismo co gallo do Nadal en doce cidades de España e Portugal, se inclúan soportes cunha imaxe do alcalde. O concelleiro, Xabier P. Igrexas, expresou esta mañá “estupefacción e profunda vergoña allea” diante dos anuncios que se instalaron en Madrid cunha fotografía de grande tamaño de Caballero. “Nós xa sabiamos que Barcelona tiña a Cobi, que Sevilla tiña a Curro, e parece claro que en Vigo Abel Caballero quere disputarlle o lugar ao propio Dinoseto como mascota emblema da cidade”, ironizou.

O portavoz nacionalista asegurou que non lle van pedir ao rexedor que abandone “o frikismo político ao que xa nos ten acostumados, porque probabelmente non sabe facer outra cousa”, pero si que exixen que non se financie a cargo de fondos públicos. “Se Caballero quere poñer carteis coa súa cara en Madrid para promocionarse, que o pague el mesmo ou o PSOE de Vigo, pero non o Concello con diñeiro de todas as viguesas e os vigueses”, reclamou.

Másnoticias

Zona Franca de Vigo aprueba sus presupuestos para el 2027, con inversiones millonarias en la ciudad

21/07/2026

El BNG exige al Concello de Vigo el fin del "acoso administrativo" a eventos culturales de la ciudad

21/07/2026

Para Igrexas é evidente que a cidade dispón de moitísimas imaxes, mesmo do Nadal, “máis acaídas para promocionarse que a faciana do alcalde”. “Que diría Caballero se a Xunta do Partido Popular promocionase Galiza como destino turístico cunha foto de Feixóo? Pois con toda a razón diría que é intolerábel que se faga uso de cartos públicos para autobombo persoal”, afirmou o edil nacionalista. “Nin o Concello, nin a cidade de Vigo se reducen a Abel Caballero e iso é algo que é preciso comezar a entender, inda que for por pura hixiene democrática”, remachou.