En poucas palabras, por que as veciñas e veciños de Redondela deben apoiar a súa candidatura nas eleccións municipais?
Porque temos que mudar á Redondela que neste momento está por unha de traballo, confianza e proximidade. Unha Redondela aberta, de equidade e igualdade. Para min é o máis importante.
Como imaxinas á Redondela de dentro de catro anos se logras ser alcaldesa?
Imaxino unha Redondela totalmente distinta. Que sexa próxima e igualitaria. Dentro de catro anos será unha administración próxima e se un veciño ou veciña ten un problema o Concello o vai solucionar. Iso será así. A Redondela que os veciños e veciñas queren.
Cales son os retos culturais que ten Redondela?
Redondela é o cuarto municipio da provincia e tiña un peso cultural moi recoñecido. Hoxe non podemos dicir iso. As asociacións e colectivos están cansos de ver que o goberno do PP non apoia a cultura. Non se pode gobernar de costas a eles. A cultura é de todos e de todas. Hai que escoitar e promocionar a cultura que Redondela merece.
Cales son as vosas expectativas?
Boas, no sentido de que me mostro como son. Unha persoa honesta e traballadora. Esa é a miña mochila. Sei que a xente sabe o que quere para Redondela. Estou moi segura que se a xente o quere vou ser a primeira alcaldesa de Redondela.
Con quen pactaríades?
O PSdeG sempre estivo aberto a unha coalición de esquerdas. Sempre. Por suposto, como candidata elixida pola militancia, vou estar aberta a unha coalición de esquerdas. Temos que falar e facer que Redondela teña o goberno de esquerdas que merece. O 28 de abril Redondela historicamente saíu á rúa dicindo que quería un goberno de esquerdas, non só en España senón que entendemos que tamén a nivel municipal. Foi histórico.
Cres que a victoria dos socialistas nas eleccións xerais en Redondela pode crear un efecto chamada nas municipais?
Son moi prudente. Os resultados do 28 de abril foron históricos. Redondela é de esquerdas. A xente saíu a rúa porque estaba farta dos gobernos de dereita. A nivel municipal sempre é distinto, a xente vota á persoa. Se a xente quere, e creo que vai ser así, Digna Rivas será a primeira alcaldesa de Redondela.
Se a esquerda sumaba, por que non se levou a cabo a moción de censura?
Quen tivo a chave foi AER. Sei de boa man que o meu compañeiro que lideraba o PSdeG, Eduardo Reguera, falou moitísimas veces para chegar a un acordo de goberno da esquerda. O pasado, pasado está. Vexo para o futuro e queremos un goberno de esquerdas liderado polo PSdeG.
Que sería entón un bo resultado?
O que a xente diga. Loxicamente, que poidamos gobernar e levar adiante este proxecto. Non é noso, é de todos e de todas. Dende o minuto un reuninme con todos os veciños e colectivos. Se o podemos levar adiante eu sería feliz.
E un mal resultado?
Penso que hai que ser moi responsable e se hai un mal resultado debo tomar medidas. Sería que a xente non quere o proxecto que respectamos e tería que dar un paso atrás, pero estou confiada en que a xente vai querer ese cambio.
Hai que fomentar o turismo en Redondela?
É importantísimo en Redondela. O Camiño de Santiago, tanto Portugués como pola Costa, trae moitísimos peregrinos. Hai que potencialo e facer que os peregrinos saiban que ofrece Redondela e as súas parroquias, que son tan importantes como o centro. Non hai unha oficina de turismo céntrica e que teña persoal os doce meses do ano. Senón comezamos por aí mal imos. Non podemos ser referentes en turismo sen unha oficina de turismo visible e con persoal. Temos moito patrimonio cultural e histórico e non se está dando a coñecer.
A Autoridade Portuaria plantexou a posibilidade de converter o Cargadoiro de Duchess en Rande nun depósito de contedores, que opinión lle merece?
Levamos o proxecto que os propios veciños queren. Para poder facelo, hai que desafectar a zona de Rande. Non se pode facer nada se non se fai iso. Actualmente non temos constancia de que sexa así. Hai moito proxecto do PP e moita promesa electoral, pero non temos por escrito nada que certifique que iso vai a ser así. Nós apostamos polo que os veciños e veciñas de Rande queren e polo que a Plataforma leva anos loitando.
Como solucionar o conflicto co transporte metropolitano e nomeadamente con Vitrasa en Chapela?
Sempre tivo unha solución moi sinxela. As administracións teñen que ir da man. Puido ser coa Área Metropolitana, que daría moitas solucións. O PP, co alcalde de Redondela, foi un dos que non quixo chegar a un acordo coa Área. Esa sería unha solución. Ademais, hai moitos problemas en Redondela que non se solucionan porque o alcalde non quere. Por riba de todo hai que ver os intereses da veciñanza. Nós defenderemos aos nosos veciños.
Está polo tanto a favor de reactivar a Área Metropolitana...
É moi necesaria, a precisamos canto antes. Podería estar xa en funcionamento. Non soamente no transporte, senón en moitos outros servizos. Hai que ter vontade e non pensar soamente no que ao PP lle mandan dende Santiago. Eu sempre defenderei aos veciños e veciñas de Redondela, da igual quen goberne nunha institución ou outra.
Será posible rematar coa peaxe da AP9?
Non é competencia municipal pero é un compromiso do Partido Socialista. Nestes oito anos o PP non fixo nada por intentar que a peaxe desaparecera. Non se viu en ningures. Hai que estar sempre, sempre, ás boas e ás malas. Ten que ser gratuíta e imos loitar. Non son de prometer porque me parece unha falta de respecto, pero comprométome a que se son alcaldesa vou ir a Madrid a reunirme co ministro de Fomento. É do primeiro que vou facer.
Que medidas tomaría nos seus primeiros 100 días de goberno?
Hai que ir paulatinamente. Teño un exemplo no cambio que fixemos na Deputación de Pontevedra. Non o fixemos en cinco días, pero en catro anos o cambio foi total e absoluto. Equidade, igualdade e proximidade. Dende o primeiro día será así. Queremos abrir as portas do Concello.
Que se xoga Redondela o 26 de maio?
Volver a recuperar o peso que tiña Redondela como cuarto concello da provincia que perdeu a todos os niveis. Non só a nivel cultural e turístico senón tamén social. Os servizos sociais e a igualdade son primordiais. Os problemas dos veciños e veciñas teñen que ser o primeiro.
Non hai igualdade?
A igualdade real non. Non pode ser un área estanca facendo un minuto de silencio ao mes. A igualdade real é facela transversal en todas as áreas e traballar cos colexios, asociacións e colectivos. Somos unha institución pública e temos que dar exemplo. A violencia de xénero hai que combatela os 365 días do ano.
Que se pode facer para acabar co macrobotellón do Entroido de Verán?
Levamos anos dicindo que o Entroido de Verán converteuse nun botellón. Este ano o PP dixo que coa campaña Redondela 0,0 cambiou. Non, as cousas non cambian dun día para outro. Hai que traballar con asociacións e colectivos. Non se pode cambiar o Entroido de Verán un mes antes. Hai que facer moito cambio.
Que proxecto lle ilusionaría para Redondela?
As infraestruturas son moi importantes e necesarias, pero hai un programa que é moi importante para min. Trátase de facer Redondela accesible para todas e todos. Aí estaría toda a veciñanza representada. Unha Redondela accesible en todos os sentidos: físico, psíquico, sensorial... Hai moitas barreiras, non só arquitectónicas, senón tamén doutro xeito.
PARTIDO DOS SOCIALISTAS DE GALICIA-PSOE (PSdeG-PSOE)
1. DIGNA ROSA RIVAS GOMEZ
2. LEONARDO CABALEIRO COUÑAGO
3. MARIA CASTRO ABAD
4. IGNACIO EDUARDO GONZALEZ LAGO
5. MARTA ALONSO DOMINGUEZ
6. VICENTE LAMAS GUISANDE
7. OLGA MARIA GARCIA BALLESTEROS
8. ALBERTO ALVAREZ PEREZ
9. IRIA VILABOA ALVAREZ
10. JOSE ANGEL GARCIA PRACERES
11. MARIA SOLEDAD GARCIA FIGUEROA
12. MARTIN RODRIGUEZ ALVES
13. MARIA RITA PEREZ TABOAS
14. RAFAEL CERNARDAS PIRES
15. MARIA LORENA RODRIGUEZ VILABOA
16. ARSENIO MARTINEZ RICON
17. ALBA GONZALEZ RODRIGUEZ
18. FERNANDO COVELO RODRIGUEZ
19. MARIA ISABEL GONZALEZ BAHAMONDE
20. JOSE BLANCO PUGA
21. MARIA MERCEDES LOPEZ DOMINGUEZ
Suplentes
1. FERMIN ALONSO OTERO
2. LETICIA GONZALEZ GUISANDE
3. SANTIAGO RUIZ VILAS
4. MARIA DEL PILAR IGLESIAS ALVAREZ
Javier Bas resiste al "efecto Ciudadanos" y mantiene sus nueve concejales, la misma cifra que suman PSOE (7) y BNG (2). AER, con tres, será clave
Nidia Arévalo logra mantener la mayoría absoluta en Mos mientras que el PP no lo consigue en O Porriño y Movemento Salceda pierde el liderazgo
Juan González y Paco Ferreira renuevan sus mandatos con sendas mayorías absolutas mientras que Carlos Gómez aspira a la Alcaldía de Baiona
O Morrazo continuará gobernado pola esquerda estes próximos catro anos, aínda que namentres o BNG crece en Moaña en Bueu perde a maioría absoluta
Dotado de equipamento punteiro, dá apoio a diferentes universidades e empresas así como a centros tecnolóxicos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL