Dúas bandas por primeira vez en Galicia. Dúas que se estrean nun festival da nosa terra. Outras tantas con novo disco… Estes son algún dos datos do Freixo Rock, o festival autoxestionado que fará vibrar esta fin de semana Vigo.
Entre o venres 14 e o sábado 15 de setembro o festival traerá a once bandas de Galicia e do resto do Estado lideradas polo mítico Josetxu Piperrak que estará acompañado por The Riber Rock Band. O creador de himnos como “Kualkier Dia” ou “¡Basta ya!” subirá ao escenario o venres ás 0:40 horas.
Antes, abrirán o festival ás 22:00 horas a banda ourensá Maskarpone seguida de Os Vacalouras. Os segundos, directamente dende Teis, serán os encargados de facer “tremer a terra” co seu autodenominado estilo de “Pataca’n’ Roll”, ou o que é o mesmo, un punk rock reforzado pola gaita e con letras profundas como “Trillei a Pirola ca tapa do Vater” . A cita do venres rematará con The Skarnivals, por vez primeira no festival, e Demencia Sonora.
Pola súa parte, o sábado a festa correrá a cargo de Os Romóns, Falperrys, Radiocrimen, Skakeitan e Arkada Social. Ambalas dúas xornadas os concertos comezarán ás 22:00 horas e rematarán ás 05:00 horas da madrugada.
O Freixo Rock caracterízase pola súa total independencia, sendo un dos poucos festivais autoxestionados sen axudas públicas que atraen a milleiros de persoas para desfrutar de bandas consolidadas e novas incorporacións nun ambiente festivo sen censuras.
Como de costume, a Peña Freixo ofrecerá aos asistentes zona de acampada e posto de comida e bebida. Para poder acceder ao recinto da festa soamente se deberá aboar o prezo dunha consumición, que permite colaborar nos custes de organización.
O festival, como o seu nome indica, ten lugar en Freixo, na parroquia viguesa de Valladares. En concreto, celebrarase no campo de fútbol a carón do local social da Asociación de Veciños do Freixo, na estrada de San Xoán, 264.
Castrelos se convierte desde este finde en el gran cine de verano gratuito de Vigo, estas son las películas que podrás ver
A Guarda arranca la cuenta atrás para su histórica cita gastronómica. La Festa da Langosta desvela la programación completa
Baiona busca atracciones, espectáculos y barracas para las Festas da Anunciada. Uno de los grandes eventos del verano en el área de Vigo
El observatorio submarino Nautilus acogerá por primera vez un taller de arte. Un evento con desayuno incluido en el fondo del mar
Un estudiante de la UVigo logra la plata en Europa. Acaba de ser proclamado subcampeón de piragüismo y ya tiene la mente en sus exámenes
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL