Nigrán celebra hoxe unha andaina "polo futuro dos montes" no aniversario do domingo negro

Tal día como hoxe fai un ano o monte galego ardía sen control. O sur de Galicia, e nomeadamente da provincia de Pontevedra, contemplaba atónita como as lapas facían cinza a biodiversidade forestal. Un dos municipios mais afectados por aqueles lumes, o de Nigrán, onde dúas persoas perderon a vida, celebra hoxe unha andaina para facer visible a aposta decidida por coidar e recuperar o monte.

Así, coincidindo xusto co primeiro aniversario dos incendios, o futuro parque forestal de Os Matos-Río Táboas, situado entre as parroquias de Camos e Chandebrito, acollerá unha andaina "polo futuro dos montes".

Másnoticias

Uno de los pioneros de la cocina fusión de Vigo aterriza en una privilegiada terraza frente al mar

04/06/2026

Nigrán aprueba rehabilitar la antigua escuela unitaria de Chandebrito y darle una nueva imagen

03/06/2026

Te puede interesar: Recuperar un monte quemado cuesta de media 2.000€ por hectárea

A cita arrancará ás 17:00 horas da Igrexa do Cemiterio de Camos (rúa do Sobral) e terá unha duración aproximada de dúas horas, estando guiada por Antón Lois, portavoz de Amigos da Terra.

A vaga de lumes do 15 de outubro de 2017 cebouse precisamente nesta contorna onde se creará o primeiro parque forestal do Val Miñor, espazo que se estenderá ao longo e ancho de 42 hectáreas na zona común de Os Matos, nas ribeiras do río Táboas, e que dá orixe ao principal río do Concello, o Muíños.