O Puto Coro do Exército Froilanista, Flow do Toxo e Setor Societario, no Festival Taíña

É xa un clásico do Entroido baixomiñoto. Cando as treboadas anuncian a chegada da troula, Goián prepárase tamén para outro habitual: o Festival Taíña.

A taíña é un peixe que vive nas augas do Miño e que cada Entroido remata protagonizando o seu propio enterro. Porén, tamén da nome a este festival que vai xa pola súa décimo sexta edición.

Másnoticias

Las "mejores sardinas del mundo" o conciertos por la Ría, así es la programación paralela del Revenidas

03/09/2025

Detenido en Tomiño tras sorprenderle con bolsas con cocaína y con heroína

03/09/2025

Desta vez, o festival contará con tres grupo de trap, punk folk e mesmo “monarko punk” nunha noite que rematará cunha sesión DJ de cumbia e tropical bass.

O festival arrancará ás 23:30 horas na Praza de Goián da man de “Flow do Toxo Rural”, un grupo formado por catro mulleres con clara conciencia feminista e, claro, amor polo rural.

O punk folk compostelán chegará da man de “Tecor Societario”, banda que mestura os sons tradicionais e os ritmos máis duros cunha gran posta en escena. Prometen altas doses de berros e bailes.

Pola súa parte, “O Puto Coro do Exercito Froilanista” chegará ao escenario de Goián co seu autoproclamado “monarko punk” con temas como “Peguei-me un tiro no pé” ou “Gora Froilán”. Defínense como a banda oficial do Partido Froilanista, cuxa Sagrada Misón é devolver a coroa ao Reino de Galiza e sentar a Froilán III no trono de granito.

https://www.youtube.com/watch?v=mXBc6XpgdJo

A noite rematará co DJ “Sapoconcho sem poncho” e a mellor selección de cumbia, balkan e tropical bass.