O segredo do marisco de Vigo segundo Xosé A. Touriñán, pregoeiro da Festa do Marisco

Vigo desfruta xa da súa décimo sétima Festa do Marisco que se celebrará no porto pesqueiro da cidade até o domingo. Aínda que arrancou na tarde deste xoves, foi este venres cando se celebrou a apertura oficial da man de Xosé A. Touriñán, o pregoeiro desta edición.

Pódeche interesar: Prezos, horarios e programación da Festa do Marisco de Vigo

Másnoticias

Vigo y Gondomar forman parte del pionero proyecto "Xenoma Galicia" de la Xunta

16/04/2025

¿Qué hacen los mismísimos Cazafantasmas con su coche en pleno centro de Vigo?

16/04/2025

O humorista coruñés destacou que “normalmente celébranse festas do marisco por separado, pero esta é a macrofesta con todo xunto, a lo grande”. O cómico comezou o seu pregón agradecendo “a xente que vai ao percebe, ao mexillón, ao berberecho… a xente que traballa no mar” o seu esforzo que permite que se poida desfrutar dunha cita gastronómica como esta.

“As mellores festas de Nadal non o sei, pero á do marisco pódenlle dar mil voltas os de Nova York que non a van facer”, bromeu para, a continuación, explicar o motivo de que o marisco de Vigo sexa “moi bo”.

“En 1702 houbo unha batalla na ponte de Rande -por onde agora ides as praias de Cangas- e afundiron os barcos cargados de ouro. Agora, todas esas nécoras e mexillóns das bateas, os chocos de Redondela…. comen ese ouro”, explicou o cómico. “Os canarios son da cor que son por picar no oso do choco”, aseverou.

O pregón deste 2019 rematou co cómico pedindo que se desfrute de todos os produtos. “Moi importante non pasarse co ácido úrico… o resto do ano, esta fin de semana mandádelle duro xa lle daremos ás pastillas o luns e martes”.

O acto de apertura contou tamén coa presenza das institución patrocinadoras do evento, co alcalde de Vigo, Abel Caballero, o delegado da Zona Franca, David Regades, a delegada da Xunta en Galicia, Corina Porro, e o presidente do Porto de Vigo, Enrique López Veiga.

A festa do Marisco de Vigo prolongarase até o domingo cunha ampla variedade de produtos do mar que este ano suman oferta de cocina estranxeira, neste caso xaponesa. Podes consultar os presos e programa oficial facendo clic aquí.