Traspediante chega a Tui este venres co espectáculo de danza contemporánea "Nina Ninette"

Este venres, 12 de novembro, o Teatro Municipal de Tui acollerá ás 19:30 o espectáculo de danza contemporánea "Nina Ninette" que forma parte da programación de Outono. Do espectáculo encargase a compañía Traspediante e contará coas bailarinas Marta Alonso Tejada e Paula Quintas e coa actriz Carlota Mosquera.

Este espectáculo estreouse  o 7 de marzo de 2021 no Teatro Principal de Santiago de Compostela. María Torres é quen dirixe esta representación inspirada na estética do Ballet Triádico de Oskar Schelemmer, cando se cumple 100 anos da súa estrea. A escenografía, que simula un fantástico labirinto, foi deseñada por Gonçalo Guerreiro e a música corresponde Alex Salgueiro.

Másnoticias

Las fiestas de San Telmo de Tui arrancan con un concierto muy especial

14/04/2025

Estos son los 30 espectáculos que Galicia ha escogido para su escena más "PRO"

13/04/2025

O espectáculo de danza conta a historia de Nina, unha protagonista valente e alegre a parte iguales, que atopa unhas flores moi especiais que a levan a descubrir un mundo fantástico, habitado por seres máxicos, poderosos e divertidos. Todo é tan diferente, tan brillante, tan fermoso! Pero Nina estraña o seu fogar e decide marchar. A cuestión é que ese mundo é un labirinto e como todos os labirintos, é moi fácil entrar pero moi complicado saír. Será que ela o consegue?

As entradas están dispoñibles na páxina web do Concello de Tui até dez minutos antes do inicio da función por 4 e 3 euros.