Os chimpíns do Festival de Cans volverán circular novamente en setembro

A asemblea da Asociación Cultural Arela, entidade organizadora do Festival de Cans, vén de decidir as datas nas que terá lugar a XVIII edición do Festival de Cans, que neste 2021 volverá celebrarse na primeira semana do mes de setembro, en concreto entre o mércores 1 e o sábado 4.

A organización apostou por repetir este ano unhas datas semellantes ás da pasada edición, e non retornar por agora ás súas datas orixinais de maio. A idea da organización é actuar "con prudencia" nos vindeiros meses, agardando a evolución da pandemia, mentres se asenta o proceso de vacinación da poboación. Desde a Asociación Arela, xa se foi comunicando esta data nas últimas semanas ós principais patrocinadores, institucións, e sobre todo ás veciñas e veciños que colaboran habitualmente co festival, ós que agradece o seu apoio incondicional en todo momento.

Másnoticias

Mos da luz verde al Celta para comenzar a desarrollar los terrenos de su macroproyecto deportivo

19/07/2025

Mos se despide de una de sus viviendas más históricas, adiós a la emblemática "casa roja" de Puxeiros

16/07/2025

O pasado ano, arredor de 3.000 persoas pasaron por Cans no mes de setembro, para participar en todas as actividades do festival, realizado con estrictas medidas de seguridade e de máxima hixiene sanitaria, seguindo todas as normas de distanciamento. O festival optou tamén por vías seguras e alternativas á presenza física, como a retransmisión en streaming das principais actividades, que acadaron a extraordinaria cifra de máis de 3.000 espectadores complementarios, que poideron seguir o festival desde as súas casas.

Ademais, prevéronsen medidas como trazar un “escudo protector” sobre as persoas maiores da aldea e diminuir tamén o número de jalpóns, xunto cunha redución do aforo. Mesmo nestas circunstancias excepcionais, o festival discurriu con total normalidade, e desde a organización agárdase que a situación sanitaria poida mellorar ó longo dos próximos meses. Partindo da experiencia adquirida o pasado ano, a organización garante que traballará con prudencia e coa máxima responsabilidade.

Nos vindeiros días, o festival comunicará as datas estipuladas para o envío de obras a concurso e os prazos marcados. Varias son as novidades que se aplicarán con respecto a edicións anteriores.