Anxo Lorenzo, a primeira confirmación do Festival Intercéltico do Morrazo

Cun novo traballo baixo o brazo, a presenza de Anxo Lorenzo na vindeira edición do Festival Intercéltico do Morrazo era máis que obrigada. O músico moañés presentará o seu novo disco “Vortex” no evento que terá lugar en Moaña os días 25, 26 e 27 de xullo. O artista morracense será un dos principais reclamos da última xornada desta cita musical ineludible para os amantes da música celta e folk ao subirse ao escenario principal do FIM ás 22:00 horas.

Anxo Lorenzo estará arroupado nesta cita tan especial pola súa banda e polos músicos irlandeses Blackie O’Connel e Cyrill O’Donoghe, que tamén colaboran neste novo álbum. O gaiteiro moañes promete moitas sorpresas neste concerto no que haberá un percorrido polos seus anteriores traballos discográficos que suporán un colofón ideal desta nova edición do Festival Intercéltico do Morrazo.

Másnoticias

Última oportunidad para disfrutar de un gran cocido con ruta incluida por una joya de las Rías Baixas

04/04/2025

La música conquistará el Pazo de Mos con este festival gratuito que ya ha desvelado sus artistas

03/04/2025

O morracense é un dos referentes da música galega. A relación de Anxo Lorenzo coa gaita comeza cos Chaneiros de Marín como un amor a primeira vista. Continúa a formación do instrumento en Moaña co mestre Xabier Blanco na banda de gaitas Semente Nova e con Moxenas na súa etapa como docente no Morrazo. En Vigo, compaxina os estudos no Conservatorio Superior de Música de Vigo con Carlos Núñez coa actividade na banda de gaitas Xarabal e set director e mestre artesán, Antón Corral.

A vida de Anxo Lorenzo é unha vida dedicada á gaita galega, una vida chea de viaxes, colaboracións e gravacións dun moañés namorado do seu pobo e orgulloso do seu instrumento. O vindeiro sábado 27 de xullo, ás 22:00 horas, actuará ante centos de persoas que abarrotarán o Paseo Marítimo moañés para gozar da música do artista local, un Anxo Lorenzo que amosará as bondades de “Vortex” e interpretará outros temas que xa son éxitos da nosa música.

O anuncio de Anxo Lorenzo supón a primeira confirmación dun Festival Intercéltico do Morrazo que xa quenta motores de cara a súa vindeira edición. A cita musical volverá a converter a Moaña como capital do folk na última fin de semana de xullo.