O rock sen censuras fará vibrar Freixo esta fin de semana

Dúas bandas por primeira vez en Galicia. Dúas que se estrean nun festival da nosa terra. Outras tantas con novo disco… Estes son algún dos datos do Freixo Rock, o festival autoxestionado que fará vibrar esta fin de semana Vigo.

Entre o venres 14 e o sábado 15 de setembro o festival traerá a once bandas de Galicia e do resto do Estado lideradas polo mítico Josetxu Piperrak que estará acompañado por The Riber Rock Band. O creador de himnos como “Kualkier Dia” ou “¡Basta ya!” subirá ao escenario o venres ás 0:40 horas.

Másnoticias

Los autobuses del EuroCelta ya lucen en Balaídos antes del fiestón de esta tarde por Vigo

25/05/2025

Vigo, ante uno de los días clave de su historia reciente: este lunes se aprueba el nuevo Plan Xeral

25/05/2025

Antes, abrirán o festival ás 22:00 horas a banda ourensá Maskarpone seguida de Os Vacalouras. Os segundos, directamente dende Teis, serán os encargados de facer “tremer a terra” co seu autodenominado estilo de “Pataca’n’ Roll”, ou o que é o mesmo, un punk rock reforzado pola gaita e con letras profundas como “Trillei a Pirola ca tapa do Vater” . A cita do venres rematará con The Skarnivals, por vez primeira no festival, e Demencia Sonora.

Pola súa parte, o sábado a festa correrá a cargo de Os Romóns, Falperrys, Radiocrimen, Skakeitan e Arkada Social. Ambalas dúas xornadas os concertos comezarán ás 22:00 horas e rematarán ás 05:00 horas da madrugada.

O Freixo Rock caracterízase pola súa total independencia, sendo un dos poucos festivais autoxestionados sen axudas públicas que atraen a milleiros de persoas para desfrutar de bandas consolidadas e novas incorporacións nun ambiente festivo sen censuras.

Como de costume, a Peña Freixo ofrecerá aos asistentes zona de acampada e posto de comida e bebida. Para poder acceder ao recinto da festa soamente se deberá aboar o prezo dunha consumición, que permite colaborar nos custes de organización.

Onde se celebra?

O festival, como o seu nome indica, ten lugar en Freixo, na parroquia viguesa de Valladares. En concreto, celebrarase no campo de fútbol a carón do local social da Asociación de Veciños do Freixo, na estrada de San Xoán, 264.

Horarios do Freixo Rock