O Festival Intercéltico do Morrazo xa ten datas: volve ao verán e manterá a "sesión vermú"

Tiña que ser o Festival Intercéltico do Morrazo. O festival invencible, o único evento folk de Galicia que se celebra de forma ininterrompida dende a súa primeira edición, xa ten datas oficiais. Unha das citas musicais más importantes do ano a nivel galego retorna á última fin de semana do mes de xullo.

A decisión que adoptou onte o comité organizador do Festival Intercéltico do Morrazo é festexar o evento musical durante as xornadas do 30 e 31 de xullo e o 1 de agosto “sempre e cando a situación sanitaria o permita”. A cita co mellor folk estará composta por un total de catro concertos, tres deles en sesión de noite e un, tal e como xa se fixo na última edición, terá lugar celebrarase o domingo en sesión de mediodía.

Másnoticias

El Galicia Fest confirma las fechas de su segunda edición en Vigo y anuncia novedades musicales

02/09/2025

O Porriño se prepara para el Negrita Music Festival, que desvela los horarios de los conciertos

01/09/2025

A organización do festival apostará de novo por un cartel do Intercéltico do Morrazo poboado por formacións galega na súa maioría. Esta nova edición do festival folk da vila morracense tamén será retransmitida en directo en streaming dado o éxito da experiencia iniciada o pasado ano, unha opción que permitiu á cita musical de Moaña ser accesible para todo o público que non puido gozar dos concertos de forma presencial, ademais de dotar ao evento dunha maior proxección internacional.

O Festival Intercéltico do Morrazo chega deste xeito á súa 37ª edición, sendo o único festival folk galego que se celebrou de forma ininterrompida dende a súa primeira edición. O coñecemento das datos oficiais do evento moañés permiten situar no calendario deste verán unha das grandes citas musicais do verán na área metropolitana. Outros festivais importantes a nivel cultural, como son o Festival de Cans e o Play-Doc, non volverán a súas datas orixinais e continuarán celebrándose no mes de setembro.